بلا سبب وبلا حكم قانون

بلا سبب وبلا حكم قانون
وانا موَقع عهد وياك ما اعوفك

اذا خنت العهد ونسيتني بلحظات
انا اللحظات كله اتغني بحروفك

مستغرب احبك لو جديد اشتاگ
تمنعني وعلية انجرت اسيوفك

تنكرني ولك ميهمني اي نكران
نهر اني بمحبتك تنكر اجروفك

اذا بعت الحب حتى ما حاچيك
صدگ من احلفك تنطق اچفوفك




مو نزوه بحياتك اني يا بذات
حتى اتبيعني وتمنعني ما اشوفك

اقبل لو تصير بروحي هم ونوح
واشيل الحمل منك واصبح اچتوفك

اذا تبچي ردت انطيك عيني افداك
لو عيني انعمت كملت معروفك

تتحول جرح بيه احمل اجروح
اذا ينزفني جرحك كلي ما روفك


مو ضعف وحياتك مبدأ واخلاص
و احس بروحي شالت سكنت بجوفك

وايدية الضاعت ولاكيتهن من جيت
على شعرك شفتهن حاضنه ازلوفك

تذكرت العيون هسه من ايديك
شفتهن ع الرسايل رسم بظروفك

ما اقبل اعوفك گلي ليش انساك
مو حتى من انام اتلاگه بملامحك

خايف مني واني الـ صرت لاجلك بيت
بعد ما عمري سافر بينت خوفك

بس كلمة اگلك وحده حتى اتروح
وراح اچذب عليه وقدر اظروفك

تره انت اخدعتني وچذبت ع الشوگ
بس دولاب دنية وباچر اتلوفك

من تطلع شمس راح اني اشوفك زين
اذا منخل تصير اتبين ازروفك

كلمات رائعة وجميلة

مشكورة ندى
تحياتي لك

العفو
شكرا لقراتك موضوعي
.